Lodowiec

Ástin á tímum heimsfaraldurs:Heimsbyggðin er undirlögð af bráðsmitandi veirusjúkdómi sem hefur stráfellt helming mannkyns. Veiran tekur sífelldum stökkbreytingum sem gerir framleiðslu bóluefnis nær ómögulega. Samgangur manna á milli getur skapað bráða lífshættu.Á lúxushóteli í miðborg Stokkhólms leitar fólk úr efri stéttum samfélagsins skjóls frá öngþveitinu sem ríkir í faraldrinum. Enginn samgangur er á milli gesta hótelsins og þeir fá heimsendingu á öllu því sem þá kann að vanhaga um.Anna hefur dvalist á hótelinu í tvo mánuði þegar Erik skráir sig inn sem gest. Fyrir mistök liggja leiðir þeirra saman innan hótelsins þrátt fyrir blátt bann við slíku. Eftir það verður ekki aftur snúið og ástin kviknar. Á meðan veiran geisar í samfélaginu og óöld ríkir utan hótelsins tala Anna og Erik saman á milli herbergja í gegnum talstöð. Ástin sigrar allt en getur hún sigrað í heimi sem er að hruni kominn?Camilla Läckberg er sænskur metsöluhöfundur sem vart þarf að kynna fyrir íslenskum lesendum. Bækur hennar hafa verið þýddar á meira en 60 tungumál og njóta gríðarlegra vinsælda um heim allan. Alexander Karim er sænskur rithöfundur en er einnig vel þekktur sem leikari og leikstjóri. Jökull byggir á bíómynd sem var frumsýnd í apríl 2021.